Garden som ressurs

Garden som ressurs – inspirasjons- og informasjonsmøte

Har du tankar, idéar eller draumar om å utvikle noko nytt på eigen gard? Då er dette møtet for deg!

I fjor vart møtet arrangert på Hareid, og interessa var så stor at det raskt vart fullteikna. No ønskjer vi å gi fleire høve til å delta, og inviterer difor til nytt møte, denne gongen i Ulsteinvik.

Her får du møte landbrukskontoret og verkemiddelappartet representert ved hoppid. Dei vil dele informasjon om ordningar, tilskot og moglegheiter for deg som vurderer tilleggsnæring eller anna utvikling på garden.

I tillegg kjem Terje Grønmyr frå Kråen Gard i Sande kommune. Dei har på kort tid utvikla garden til å bli ein skikkeleg reiselivsdestinasjon med fokus på lokale råvarar. 

Målet med møtet er å inspirere, gi nyttig kunnskap og skape kontakt mellom lokale gründarar og støtteapparatet. Vi ønskjer å stimulere til meir samarbeid, engasjement og verdiskaping i landbruket,  og satsar på skikkeleg inspirasjonspåfyll denne kvelden!

Program

• Velkomen v/ Ulstein Næringsforum og Vekst i Hareid

• Lokalt døme: Terje Grønmyr fortel om satsinga på Kråen Gard

• Informasjon frå landbrukskontoret v/ Anne Kathrine Løberg

• Verkemiddelapparatet v/ Robert Voldnes, Hoppid

• Spørsmål og diskusjon

Har du ein idé eller ein draum knytt til garden din, er dette ei flott moglegheit til å få inspirasjon og rettleiing, og møte andre som også vurderar å starte opp med noko.

Vi oppmodar deg som driv, er nysgjerrig eller ønskjer å starte, ny næring på garden til å melde deg på!

Møtet er gratis.

Meld deg på i lenke!

Det vert lett servering av mat og drikke.