Om prosjektet
Kven er Vekst i Hareid?
Bakgrunn
Ein stor del av bedriftene i Hareid er retta mot ein maritim marknad, som dei seinare åra har vore ramma av ein lang og utfordrande nedtur. Hareid opplevde også at større hjørnesteinsbedrifter flytta ut, eller la ned drifta på Hareid. I løpet av kort tid opplevde ein redusert sysselsetting og auka arbeidsløyse, som gjorde at Hareid fekk status som omstillingskommune i 2019, og dermed også moglegheit til å søke om midlar til dette prosjektet gjennom Møre og Romsdal fylkeskommune.
Fylkeskommunen finansierer 50% av prosjektet, Hareid kommune 25 % og næringslivet 25%.
Vidare har Innovasjon Norge ei rolle som nasjonalt kompetansesenter for omstillingsarbeid, og bidreg inn i prosjektet gjennom aktiv rådgjeving og kvalitetssikring.
Kven er vi?
Vekst i Hareid består av ein prosjektleiar som er tilsett i 100% stilling og ei styringsgruppe som består av representantar med bakgrunn frå næringslivet og kommunen. I tillegg er Innovasjon Norge, Møre og Romsdal fylkeskommune og kommunedirektør med som observatør i styret. Styret har også ein vara med møterett.
Julie Sundgot Andersen
Prosjektleiar
Julie er utdanna innan marknadsføring, økonomi og leiing, og har jobba som marknadsanalytikar i Kongsberg Maritime i 12 år.
Ho har derfor god kjennskap og stort engasjementet for maritim næring som i lang tid har vore, og fortsatt er, ein viktig del av næringslivet i Hareid.
Karl-Johan Bakken
Styreleiar, representant frå næringslivet
Karl-Johan vaks opp på Hjørungavåg og fekk tidleg erfaring med skipsbyggingsmiljøet gjennom Hjørungavåg Verkstad.
Etter gymnas og førstegongsteneste gjekk det strake vegen til Trondheim, NTH og Skipsteknisk avdeling.
Bernt Brandal
Styremedlem, ordførar Hareid kommune
Bernt er oppvaksen i Brandal og dreiv nokre år fiske og selfangst før han tok styrmannskule og fiskeriteknisk høgskule i Ålesund. Deretter gjekk vegen til NTH i Trondheim der han skreiv hovudoppgåve om prosjektering av fiskefartøy.
Hege Karete Hamre
Styremedlem, representant frå næringslivet
Hege karrakteriserer seg sjølv som søresunnmøring, med djupe røter i regionen og er busett i Volda. Ho har dei siste 25 åra budd i Volda og har hatt arbeidsgivarar som har hatt sitt virke i heile regionen.
Kjetil Nesset
Styremedlem, leiar Næring- og miljøutvalet
Kjetil har budd nesten heile livet på Hareid, oppvaksen på indre Hareid og bur i dag på Hjørungavåg. Kjetil har lang og brei erfaring frå næringslivet på Sunnmøre der han gjennom 30 år har hatt ulike leiarroller i lokalt næringsliv.
Kai-Rune Bjørke
Styremedlem, Hareid kommune
Kai-Rune er kommunalsjef for sektor for samfunnsutvikling i Hareid kommune. I sektoren er det mange ulike ansvars- og arbeidsoppgåver, men i høve Vekst i Hareid sitt oppdrag, bistår
Kai-Rune med plan- og infrastrukturkompetanse og elles koordinere hjelpemiddelapparatet som t.d. næringsfondet.
Olav Haug Vikebakk
Representant frå næringslivet
Tekst om Olav er undervegs.
Pål-Andreas Alnes
Representant frå næringslivet
Pål-Andreas er født og oppvaksen på Eidsnes i Sula kommune. Han er utdanna siviløkonom og statsautorisert revisor. Pål-Andreas har fem års erfaring frå Ernst & Young, der han starta som revisor og seinare blei prosjektledar i transaksjonsavdelinga. Vidare har han også jobba som Corporate Analyst i Belships ASA.
Ragnhild Velsvik Berge
Observatør, Hareid kommune
Ragnhild har vore kommunedirektør i Hareid kommune frå 2016. Ho har sin bakgrunn frå helsevesenet, og har hatt ulike leiarstillingar her sidan 1990. Ho har vidareutdanning i helse- og sosialadministrasjon og pedagogisk rettleiing. Vidare på masternivå regional planlegging og utvikling, offentleg organisering og leiing, samt utviklingsarbeid og prosessleiing.
Alfred Øverland
Observatør, Innovasjon Norge
Alfred er spesialrådgjevar i Innovasjon Norge Møre og Romsdal. Blant dei mange oppgåvene Alfred jobbar med er ei av dei å bidra i det viktige arbeidet for kommunar som har omstillingsstatus, slik som Hareid
May-Britt Roald
Observatør, M&R fylkeskommune
May-Britt er rådgivar i Kompetanse- og næringsavdelinga i Møre og Romsdal fylkeskommune. Her jobbar ho med næring- og samfunnsutvikling. Hennar fagfelt er entreprenørskap, innovasjon og lokal næringsutvikling.
Terje Giskeødegård Balsnes
Vara
Terje er opphaveleg frå Lauvstad i Volda kommune. Etter fullførte studiar i Bergen, jobba han mellom anna 5 år som Key Account Manager i International SOS, ein av verdas største leverandørar av sikkerheits- og bedriftshelsetenester til offshore og maritim næring.